VITA RES

from

RESEN

(processing of fruits & vegetables, production of concentrates, purees, and frozen apple cubes)

+38975421259

Свет

Турција заработува милијарди од извоз на лешници

Турција е апсолутен рекордер во извоз на лешници и ниедна друга земја на светот не може да и парира

Речиси три четвртини од лешниците кои се пласираат на светските пазари, се произведени во Турција. Оваа земја од извоз на лешници ланската година заработила 2,3 милијарди долари. Од почетокот на сезоната, значи првите два месеци од есента, Турција заработила рекордни 641 милион долари. Податоците за до крајот на минатата 2019 година, покажуваат дека од таа земја се извезени 319. 772 тони лешници што е најголема бројка во историјата на Турција. Турскиот лешник најмногу се извезува во Русија, Кина, Германија, а еден од поголемите увозници е и Италија.
Интересна е информацијата дека 75 отсто од лешниците кои се користат за производство на најпознатиот крем од лешници на светот - Нутела, доаѓаат од Турција. Токму поради тоа, но и заради фактот дека Италија е втор најголем производител на лешници во светот, поранешниот потпретседател на Италијанската влада Матео Салвини, јавно ја критикуваше компанијата „Фереро“ и повика на бојкот на сите производи кои се прават од лешници од Турција.

Кога е во прашање нашата земја овој бизнис последнава декада бележи пораст, затоа што има организиран откуп, а производството го субвенционира и државата. Одгледувачите од овој агросектор оваа година се задоволни од приносот, но не и од откупната цена која се движи од 140 до 150 денари за квалитетен кршен лешник. Ова е како што истакнуваат одгледувачите, за 30 отсто пониска откупна цена од ланската. Цената на лешниците во малопродажба според официјалните статистики се движи од 600, до 800 денари по килограм, во завсност од регионот.

Инаку, уште одамна лешникот се користел за лекување на многу болести. Се верувало дека лешникот е плод на мудроста и на знаењето. Во народните традиции, лешниците се користени и како симболи на плодноста во обредите на свадбите.
Од нутриционисточка гледна точка, ќе споменеме дека плодовите на лешникот содржат 55-73% заситени масни киселини. Лешникот содржи просечно 5 пати повеќе калиум од останатото овошје, три пати повеќе железо, а богат е и со магнезиум, калциум и флуор. Од витамините содржи фолна киселина десетина пати повеќе отколку останатото овошје, витамин Е и пантотенска киселина. Во народната медицина од кората на лешникот се прави чај од кој се прават облоги за отворените рани, настанати од проширените вени на нозете. Чајот е добар и како лековито средство против дијареа, а се користи и за лекување на хемороиди. Лешниците во последно време се повеќе се истакнуваат како одлична овошка која ги превенира срцевите заболувања.

Б.А.Н.

VITA RES

from

RESEN

(processing of fruits & vegetables, production of concentrates, purees, and frozen apple cubes)

+38975421259

About Us

Cyber Green Market (CGM) is a Web Platform that promotes the Export and Wholesale of Agricultural Products, Forest fruits, and their Secondary Products from the Balkan Peninsula.

Retail

In the retail section you can also find machines, home and garden tools, work uniforms and everything you need for your farm work. You can order all this from our already verified sellers from the largest online stores in the world.

CGM Ali

Do you want to sell your products on Alibaba, but you don't want to pay $4,999 per year for an Alibaba premium account? Apply for a "CGM Ali" account here, choose one of our plans, and for just $199 per year start selling on Alibaba right now!

© 2018 Elektronski Zelen Pazar LLC Resen