Македонија

Нагла промена на времето овие два дена

ОД +20 НА -10 степени

Денес сончево до невообичаено високи температури за јануари а утре веќе нагла промена во временската прогноза.

Метеоролозите од УМХР за денес прогнозираат пријатно време со температури кои на места ќе достигнат и до 20 степени Целзиусови.

Од друга страна пак , веќе утре најавата носи снежни врнежи кои најизразени ќе бидат во југоисточните делови и долж Повардарието.

Промената ќе почне од вечерните часови кога дождот ќе преминува во снег, ќе дува силен ветер од северен правец а температурата ќе „доживее“ пад при што на места се очекува таа да достигне и до -10 степени Целзиусови.

Скопската котлина од вечерва ја очекуваат врнежи кои повремено ќе бидат поинтензивни а според најавата тие во втората половина од ноќта ќе преминуваат во снег.

Се очекува овие нагли промени да влијаат и врз здравјето на луѓето. Вирусите и грипот се шират а болниците се преполни.

А.Г.

© 2019 Cyber Green Market LLC