VITA RES

from

RESEN

(processing of fruits & vegetables, production of concentrates, purees, and frozen apple cubes)

+38975421259

Свет

Да се одржат активни глобалните синџири на храна е клучно за време на кризата

Kjу Донгју, генерален директор на Организацијата за храна и земјоделство при Обединетите нации (ФАО), во своето обраќање, завчера во Рим, истакна дека светот мора да преземе итни мерки за да ги минимизира нарушувањата во синџирите на снабдување со храна.

Пандемијата COVID-19 претставува огромен терет за јавните здравствени системи ширум светот, а милиони луѓе во најнапредните светски економии се во некаква форма на карантин.
Знаеме дека човечката загуба ќе биде голема, и дека огромните напори за промена кон подобро носат со себе големи економски трошоци.
За да се намали ризикот од уште поголема загуба - недостиг на храна за милиони, дури и во богатите земји - светот мора да преземе итни мерки за да ги минимизира нарушувањата во синџирите на снабдување со храна.
Потребен е глобално координиран и рационален одговор за да се спречи оваа здравствена криза да предизвика криза со храна во која луѓето не можат да најдат или да си дозволат храна.
Засега, COVID-19 не предизвика никаков притисок врз сигурноста на храната, и покрај објавите за преполни опсади на супермаркетите.
Иако нема потреба од паника - има доволно снабдување со храна во светот за да се нахранат сите - ние мора да се соочиме со предизвикот: огромен ризик храната да не биде достапна таму каде што е потребно.
Масовното ширење на COVID-19, со сите придружни затворања и блокади, создаде логистички тесни грла во долгите вредносни синџири на модерната глобална економија.

Ограничувањето на движење, како и основното аверзивно однесување на работниците, може да ги спречат земјоделците од одгледување и преработка на храна. Недостаток на ѓубрива, ветеринарни лекови и други суровини, исто така, може да влијаат на земјоделското производство.
Затворањето на ресторани и поретко купување намирници ја намалуваат побарувачката за свежи производи и риба, кои влијаат врз производителите и добавувачите, особено врз малите земјоделци, со долгорочни последици за сè поурбанизираното население во светот, без оглед дали се наоѓа во Менхетен или Манила.
Несигурноста околу достапноста на храна може да ги натера креаторите на политики да спроведат трговски рестриктивни мерки со цел да ја заштитат националната сигурност на храната.
Со оглед на искуството од глобалната криза на цените на храната, 2007 година, знаеме дека ваквите мерки можат само да ја влошат ситуацијата.
Ограничувања на извозот, воспоставени од земјите извознички, за да ја зголемат достапноста на храната во земјата, може да доведат до сериозни нарушувања на светскиот пазар на храна, што резултира во раст и зголемена нестабилност на цените.
Во 2007-2008 година, овие брзи мерки се покажаа исклучително штетни, особено за земјите со ниски приходи и со дефицит на храна, како и за напорите на хуманитарните организации да обезбедат намирници за сиромашните и ранливите.
Сите треба да учиме од нашето неодамнешно минато и да не ги правиме истите грешки двапати.

Креаторите на политики мора да се грижат да избегнат ненадејно затегнување на условите за снабдување и проток на храна.
Додека секоја земја се соочува со свои предизвици, соработката - меѓу владите и целокупниот спектар на сектори и засегнати страни - е од најголема важност. Доживуваме глобален проблем што бара глобален одговор.
Мораме да осигураме дека пазарите на храна функционираат правилно и дека информациите за цените, производството, потрошувачката и залихите на храна се достапни за сите во реално време. Овој пристап ќе ја намали неизвесноста и ќе им овозможи на производителите, потрошувачите, трговците и преработувачите да донесат информирани одлуки и да спречат неоправдано панично однесување на глобалните пазари на храна.
Здравствените ефекти на пандемијата COVID-19 врз некои од најсиромашните земји сè уште не се познати. Сепак, можеме да кажеме со сигурност дека секоја криза со храна, како резултат на лошото креирање политики, ќе биде хуманитарна катастрофа што можеме да ја избегнеме.
Веќе имаме 113 милиони луѓе кои доживуваат акутен глад; во субсахарска Африка, четвртина од населението е потхрането. Какво било нарушување на синџирите на проток на храна ќе ги интензивира и човечките страдања и предизвикот за намалување на гладот ширум светот.
Ние мора да сториме сé што е можно за да не дозволиме да се случи тоа. Превенцијата чини помалку. Глобалните пазари се клучни за балансирање на шоковите во понудата и побарувачката низ земји и региони, и ние треба да работиме заедно за да се осигураме дека нарушувањата во синџирите за снабдување со храна се минимизираат колку што е можно повеќе.
COVID-19 силно не потсетува дека солидарноста не е добротворна организација, туку здрав разум..


Б.А.Н.

VITA RES

from

RESEN

(processing of fruits & vegetables, production of concentrates, purees, and frozen apple cubes)

+38975421259

About Us

Cyber Green Market (CGM) is a Web Platform that promotes the Export and Wholesale of Agricultural Products, Forest fruits, and their Secondary Products from the Balkan Peninsula.

Retail

In the retail section you can also find machines, home and garden tools, work uniforms and everything you need for your farm work. You can order all this from our already verified sellers from the largest online stores in the world.

© 2018 Elektronski Zelen Pazar LLC Resen

CGM Ali

Do you want to sell your products on Alibaba, but you don't want to pay $4,999 per year for an Alibaba premium account? Apply for a "CGM Ali" account here, choose one of our plans, and for just $199 per year start selling on Alibaba right now!