Македонија

Брашно вредно живот

Пченицата учествува со 51 процент од вкупното производство на житни култури во земјава, кои во просек се одгледуваат на 100.000 хектари ораници. Според расположивите податоци од Комората на мелничко-пекарската индустрија, произведените житарици не го задоволуваат домашниот пазар, а статистиката покажува дека се увезува во просек по 100.000 тони житни култури годишно

Кога кај нас ќе се каже брашно, речиси секогаш се мисли на она добиено од пченица. Тоа е најважна, основн намирница во европската и американската култура, од која се прават различни видови на леб и теста. Освен од пченица брашно се изработува и од пченка, рж, јачмен, овес, наут, костен, просо, ориз....Во зависност од „тврдината“ на житото, постојат меки наменети за леб, и тврди брашна кои се користат за колачи. Побелото брашно се состои само од житното јадро, односно во него не се среќава обвивката од зрното. Тоа се брашна од тип-400 или тип-500. Овие брашна немаат витамини и минерали како црните брашна од тип-800 или тип-1100.
Типот на брашно се утврдува со спалување на истото во калориметар и процентот на пепел кој останува при согорувањето. На пример, во брашното тип-400 има 0,4% пепел, во тип-500 0,се наоѓа 5% пепел.

Р'жаното брашно на пазарот се сретнува како тип 750, тип 950, тип 1250 и р'жано брашно од цело зрно. Со зголемувањето на учеството на пепел се зголемува хранливата вредност на р'жаното брашно. Овој вид на брашно на лебот му даваат целосен вкус и свежина, а поради ниската содржина на глутен често се меша со пченично брашно. Пченкарното брашно се користи за правење леб и пецива,како и за разни традиционални јадења, како проја, качамак, цицвара... Поради тоа што е природно без глутен, се меша со пченично брашно во правење леб или пецива. Пред обработката добро е пченкарното брашно да се попари, олади, а потоа да се меси. Лебот од пченкарно брашно е со жолта боја, лесно набиена средина и полн вкус.

Покрај пченичното, пченкарното и р'жаното брашно на пазарот се повеќе може да се најдат и хељдино брашно, јачменово брашно, овес и просо, но тие се користат многу поретко во подготовка на производи од киснато тесто и тоа речиси секогаш со додавање на пченично брашно.
Брашната кои не содржат глутен (оризовото, пченкарното и хељдиното брашно) можат да се користа во прехраната на лицата алергични на глутен, однсоно оние кај кои е дијагностицирана целијакија. При подготовка на леб и пецива од овие брашна, функцијата на глутенот може да се надополни со употреба на хидроколоид што значи со додавање на гуар, гумаили или пектин .

Б.А.Н.

© 2019 Cyber Green Market LLC