VITA RES

from

RESEN

(processing of fruits & vegetables, production of concentrates, purees, and frozen apple cubes)

+38975421259

Македонија

Агропрогноза: не се очекува температура под нулата

И покрај разладувањето на атмосферата не се очекуваат негативни утрински температури и први мразеви, со што земјоделците ќе имаат можност непречено да си ја вршат работата, најавуваат од Управата за хидрометеоролошки работи

Циклонската активност над нашето подрачје изминатата седмица донесе врнежи на тлото на целата земја со различни количества, но најмногу наврнаа во Струмица 42 л/м2 и Крива Паланка 30 литри, а на останатите места врнежите достигнаа до 20 литри на квадратен метар. Ваквите врнежи во овој период од годината ги стопираа бербите на овошни плодови, градинарски производи, грозје и тутун, но ја зголеми површинската влага во почвата потребна за отпочнување и припреми на ослободените површини за есенска сеидба.

За оваа седмица се очекува променливо време, но со повремени врнежи од дожд од локален карактер и со помали количества од досегашните, но и со пад на утринските и дневните температури кои нема да го надминат 23 или 24-тиот степен во текот на денот.

И покрај разладувањето на атмосферата не се очекуваат негативни утрински температури и први мразеви, со што земјоделците ќе имаат можност за дособирање на родот на отворените површини, од сите гранки во земјоделското производство, особено за бербата на касните сорти овошки која е во полн ек.

Б.А.Н.

VITA RES

from

RESEN

(processing of fruits & vegetables, production of concentrates, purees, and frozen apple cubes)

+38975421259

© 2019 Cyber Green Market LLC