September 7, 2020, 6:37:32 AM

Македонија

Агрометео: Одлични услови за раната есенска сеидба

Во наредниот период се очекуваат малку пониски температури од овие забележани изминатата седмица и истите ќе се движат во границите од 28 до 34 оС, што ќе овозможат нормално зреење кај овошките и виновата лоза, потоа зреење и кај пролетните окопни и индустриски култури, како и кај градинарските култури на отворено.

Стабилното време, суво-без врнежи и спарно време, со температури од околу 37 оС во изминатиот период допринесе за забрзано зреење на раните десертни и вински сорти грозје, но високата влага во почвата допринесе за напукнување на зрелите зрна со што се создадоа услови за појава на болести и напад од инсекти на тие делови.

Во наредниот период се очекуваат малку пониски температури од овие забележани изминатата седмица и истите ќе се движат во границите од 28 до 34 оС, што ќе овозможат нормално зреење кај овошките и виновата лоза, потоа зреење и кај пролетните окопни и индустриски култури, како и кај градинарските култури на отворено.

Ваквите температурни услови без врнежи и услови за нестабилност ќе допринесат и за непречена берба на тутунот и сушење на истиот, што е битно за добар квалитет на тутунската суровина.

Влага во почвата има доволно за изведување на раната есенска сеидба во текот на септември, но и за есенската сеидба на житните култури која предстои.

Во следните денови ќе се задржи претежно сончево време со посвежи утра, а
дневната температура ќе биде во пораст.

Б.А.Н.